九龍城城南道

23/01/2014


九龍城城南道泰國野

 

 

D肉..佢話係雞肉但一D都唔似 = =" 似肉片多D...而且好乾....令人失望的咖哩...

 



 

 

 

蓉包不過不失..但佢送果個蝦片幾好食Wor...



 

 

 

除左個咖哩其他都係正常普通....所以短期唔會再去...

 

 



銅鑼灣THAI FOOD

銅鑼灣THAI FOOD

我的第一次何洪記

17/01/2014

        今日在希慎試左我第一碗何洪記雲吞麵。裝潢很明亮，整潔；雲吞麵的確比一般街鋪出色和精緻但我決定下次都係食返街鋪就可以了。何洪記一碗要六十幾蚊，我思疑有幾十蚊係比左裝修同鋪租，而且一向覺得雲吞有很大陣胡椒粉味，結論係我都係平平哋係街邊食算喇。=P

四層爐[龍蝦燒]

16/01/2014      
        看到雜誌的介紹，友人動員成立了年多的FOOD SOC成員挑戰"四層爐"，雖然今次只係得五名成員出席但我哋的為食本性不減，雄心壯志 on fire !!但去到竟然找不到我們的訂枱記錄，還好尚有一張四人枱，職員多加張木枱迫迫坐都OK.. (本身店內的枱已經放得頗密集)。

四層爐最下一層是雞煲，我們選了不辣的清湯，味道很濃郁，另外再加左D配料。

        上一層是燒烤，我們叫了墨魚丸，流心丸同煙肉包蕃茄。但不知是火不夠猛還是怎麼樣，烤的時時真是不短，味道不過不失，沒有什麼驚喜，因此個人不有興趣(其實燒烤本身都應該預左唔會有咩驚喜，只能話我係麻煩友=P，但真係等好耐先變色，而且個爐係平面所以燒出來佢係一點一點，i.e. 佢唔會好似串燒GE 爐或者燒野食咁燒得咁全面)

        上一層係放炒飯或炒烏冬，我們叫了一個三文魚炒飯，上來的炒飯是不太熱的所以要放係爐烘它，但其實佢係特登放到D 飯唔熱圥送來令果層爐有存在的意義定係點XD..但其實D飯烘住都唔會變返熱。

        最上一層係蒸物，為左四層都用曬，我哋係都要叫個粟米..蒸粟米一人一件。

        除此以外我哋叫左個芝士魚餅，羊肉串燒，豬頸肉串燒，龍蝦仔(一隻芝士，一隻蒜蓉)。芝士魚餅好味呀,,,如果佢可以熱D就好喇..串燒食完先發現有孜然粉同椒鹽粉 = ="，龍蝦揀左最平果隻試..都好OK wor... 有唔少肉. 滿意!!

試後解放

14/01/2014

         今次考試真的只能以慘不忍睹來形容...但終於熬過了!! 剛好往江西念書的朋友放春假回來香港，一行四人的太空HPCC美食小隊又得以重組。還不到六點便到了大角咀的smart pepperoni pizza，可能太早店內只有一枱客。我們點了漢堡, 沙律, Pizza, 羊膝, 仲有有all day brunch.. 叫了兩客ALL DAY BRUNCH: PIZZA 及羊膝都不過不失，值得一記係羊膝的伴菜係好好味而且熱辣辣的粗薯，GREAT!! 漢堡叫了特大，份量很足，四個人食很足夠，高興的是佢亦都跟薯條。=] 呢餐份量十足，買單每人一百整。我們走的時侯店開始多人，但店員沒有因店子人多而催我們離開，還不時加水，很好呢。

太子鳳城

          今日去好耐無去的太子鳳城飲茶，咁多間鳳城最愛的始終是這間，因為食品的水準較平均，而且保有一些舊款的點心。

        每次來都會叫的椰汁紅豆糕，一向少吃椰汁糕，亦鮮有在其他地方點這甜品。起初是因為豐富的紅豆愛上它，但似乎現在紅豆少了許多。

        上湯粉果不是酒樓常見的點心，有的會做得很粉。但這間鳳城的上湯粉果很少出錯，每次的水準都令人滿意。將炸好的粉果沐浴於上湯一會兒，不宜太久，以免粉果吸入過多水份變得爛溶溶。(個人意見)吞了湯的味道，炸皮微軟有湯汁但又有炸物的感覺是我最愛的。我喜歡這點心多半是它的口感。

母親愛吃的叉燒酥，原因是它上面的合桃。

蛋黃豆沙角沒過去好吃了...

順帶一提：個人覺得鳳城的炒麵同乳豬幾好味。

瑞士汁雞脾

         星期五天氣好得很，蔚藍的天空，風有點冷，不在床上，不在街上閑逛，為的是回校還書。在圖書館絞盡腦汁終於解決了賦選那四聯作句。

         午後與友人Liza有約，造訪她所介紹位於北角的茶餐廳。我倆點了鋪頭的招牌 ── 瑞士汁雞脾。

        份量令人滿意，不是那些營養不良的雞脾。看上去的顏色亦像吸收了滿滿的瑞士汁。雞脾咬下去頗嫩，味道偏甜，若是想吃豉油脾的鹹香絕對滿足不了。甜的雞脾究竟是什麼味道?一邊將雞脾送入口一邊回想這陣熟識的甜味... ...終於想到了!! 是薑醋的味道，只是沒有薑味的薑醋。這口味不俗，而且每碟雞脾均淋上了"瑞士汁" (因為我已經唔知係咪真係瑞士汁)覺得不夠味可以多沾些汁。不過我都係比較鍾意燒臘店的豉油脾，但間中食下甜脾也是不錯。

        同場加映：套餐還選了西多士。半份的厚多士，金黃色的外表淋上糖漿和牛油，熱騰騰，中間軟綿綿的，心中滿是幸福的罪疚感。下次一定會再點它的西多士!!